,,განიყვეს სამოსელი ჩემი მათ შორის და კვართსა ზედა განიგდეს წილი."ორ მცხეთელ ებრაელს ხვდა წილად კვართი უფლისა, ელიოზ მცზეთელს და ლონგინოზ კარსნელს. მცხეთაში დაბრუნებულ ელიოზს სიდონია ქალაქის კარიბჭესთან შეეგება.,,აჰა რომელსა იგი გსურდა,მიიღე კვართი მისი"–უთხრა ძმამ. სიდონიამ ტირილითა და გოდებით მოისმინა ძმისგან ჯვარცმის ამბავი,ცრემლიანმა ამოიკვნესა და სული განუტევა. ქალწული სიდონია და მის მკერდში ჩაკრული წმიდა კვართი უფლისა ერთად დაკრძალეს. ამ უდიდესი სიწმიდის გამო მცხეთა იწოდება,, მეორე იერუსალიმად."
არსებობს გადმოცემა რომ ქრისტეს მეორედ მოსვლისას, სიდონია კვართით ხელში მიეგებება მაცხოვარს.
პირველი მირონდენა საქართველოში
მცხეთაში ერთი კლდის თავზე მშვენიერი, სურნელოვანი, სასწაულთმოქმედი ხე იდგა. მისი ფოთლით ისარნაკრავი მომაკვდავი ნადირი იკურნებოდა.
ეს ის ადგილია სადაც დასვენებული იყო სიდონია უფლის კვართით გულში ჩაკრული.
No comments:
Post a Comment